കേരവ്യക്ഷങ്ങള്‍ അരഞ്ഞാണം ചാര്‍ത്തുന്ന കായലോരങ്ങളൂം പുഴക്കരകളും എന്നും മലനാടിനു സ്വന്തം. വേമ്പനാട്ടുകായലിലെ ഓളപര‍പ്പിലൂടെയുള്ള കുമരകത്തേക്കുള്ള ഒരു ബോട്ടുയാത്രയില്‍ എടുത്ത ചിത്രം. ക്യാമറ കാനോണ്‍ പവര്‍ ഷോട്ട് A-701-IS
തേങ്ങയും, തേങ്ങാകുലകളും നമ്മുടെ ഐശ്വര്യത്തിന്റെ പ്രതീകങ്ങളാണ്. തേങ്ങയില്ലാത്ത ഏത് ചടങ്ങാണ് നമുക്കുള്ളത്. അതുപോലെ തന്നെ വിശേഷാവസരങ്ങളില്‍ കമാനങ്ങള്‍ അലങ്കരിക്കുന്നതിനും തേങ്ങാകുലകള്‍ക്ക് ഒരു വലിയ പ്രാധാന്യമുണ്ട്. പാലക്കാട് കാഞ്ചികോട് നിറയെ തേങ്ങാകുലകളുമായ് നില്‍ക്കുന്ന ടിxഡി ഇനത്തില്‍ പെട്ട തെങ്ങില്‍ വിളവ് കാത്ത്കിടക്കുന്ന തേങ്ങാകുലകള്‍ എന്റെ കാനോണ്‍ പവര്‍ ഷോട്ട് A-710-IS-ലൂടെ.
തനത് കേരളീയ വാസ്തുവിദ്യാ ശൈലിയില്‍ നിര്‍മ്മിക്കുന്ന, നാലുവശങ്ങളും നടുവില്‍ ഒരു മുറ്റവുമുള്ള ഭവനമാണ് നാലുകെട്ട്. വീടിനു നടുവിലുള്ള മുറ്റത്തെ 'നടുമുറ്റം' എന്നും, നടുമുറ്റത്തിനു ചുറ്റുമുള്ള നാലു കെട്ടുകളെ തെക്കിനി, കിഴക്കിനി, വടക്കിനി, പടിഞ്ഞാറ്റിനി എന്നിങ്ങനെയും വിളിക്കുന്നു. കോട്ടയത്ത്, കോടിമതയിലുള്ള ഹോട്ടല്‍ വിന്‍സര്‍ കാസിലില്‍ പ്രത്യേകം പണിതീര്‍ത്തിരിക്കുന്ന അഴിയുടെ തീരത്തുള്ള നാലുകെട്ടുപുര എന്റെ കാനോണ്‍ പവര്‍ ഷോട്ട് A-710-IS-ലൂടെ. 2008-Sept-22-ന് ഹോട്ടല്‍ വിന്‍സര്‍ കാസ്റ്റില്‍ നിന്ന് കുമരകത്തേക്കുള്ള ഒരു ബോട്ടുയാത്രയില്‍ എടുത്ത ചിത്രം.
തെങ്ങ്, കേരളത്തിന്റെ കല്പവൃക്ഷം. കേരവൃക്ഷത്തിന്റെ നാട് എന്നര്‍ഥത്തില്‍ കേരളത്തിന് ആ പേരു ലഭിച്ചു എന്നും പറയപ്പെടുന്നു. ചെന്തെങ്ങ്, ഗൗളിപാത്രം, ടിXഡി, കല്പക, പതിനെട്ടാം പട്ട എന്നിങ്ങനെ തെങ്ങ് പലയിനം. പാലക്കാട് കാഞ്ചികോട് നിന്നും എടുത്ത നിറയെ തേങ്ങാകുലകളുമായ് നില്‍ക്കുന്ന ടിxഡി ഇനത്തില്‍ പെട്ട ഒരു തെങ്ങ് എന്റെ കാനോണ്‍ പവര്‍ ഷോട്ട് A-710-IS-ലൂടെ.
വാതില്‍ പഴുതിലൂടെന്മുന്നില്‍ കുങ്കുമം
2008 സെപ്‌റ്റംബര്‍ 22-ന് മഹാത്മാഗാന്ധി യൂണിവേഴ്‌സിറ്റി നടത്തിയ ഇന്റര്‍ നാഷണല്‍ കോണ്‍ഫറന്‍സില്‍ എനിക്ക് ഒരു ഇന്‍‌വൈറ്റഡ് ടോക്കുണ്ടായിരുന്നു. മൂന്നു ദിവസം നീണ്ടുനിന്ന കോണ്‍ഫറന്‍സിന്റെ രണ്ടാം ദിവസം, കോട്ടയത്ത് ഹോട്ടല്‍ വിന്‍സര്‍ കാസില്‍ വച്ചുള്ള ആ ടോക്കിനുശേഷം കുമരകത്ത്, വേമ്പനാട് കായലിന്റെ തീരത്ത് കോട്ടയം ക്ലബ്ബില്‍ ഒരു ഡിന്നര്‍. സായന്തനത്തിന്റെ കണ്ണിമയില്‍ കുങ്കുമം വാരിവിതറിയ ആ സന്ധ്യ എന്റെ കാനോണ്‍ പവര്‍ ഷോട്ട് A-710-ലൂടെ.
എങ്ങനെ ഉണ്ട് എന്റെ കൂട്ടുകാരന്‍ പട്ടി?. ഞാന്‍ ചിരിക്കുമ്പോള്‍ അവനും ചിരികും, അവന്‍ മോങ്ങുമ്പോള്‍ ഞാനും. ഹി ഹി ഹി ഹി ഹി...
ദേ ഒരു കാര്യം പറഞ്ഞേക്കാം. വടി ഉണ്ടേലും ശരി ഇല്ലങ്കിലും ശരി ഇനി വീട്ടുകാവല്‍ എന്നെ കൊണ്ടു പറ്റില്ല. എത്രകാലമായി, ഞാന്‍ പുരനിറഞ്ഞു നില്കയാണന്ന് എന്തങ്കിലും ഒരു വിചാരമുണ്ടോ ഇവിടെ ആര്‍ക്കങ്കിലും? ഇനി ആരയും നോക്കി ഇരിക്കാന്‍ ഞാനില്ല. എനിക്ക് ഒരു പെണ്ണിനെ കിട്ടുമോ എന്നു ഞാന്‍ ഒന്നു നോക്കട്ടെ...
ഇവന്‍ പറഞ്ഞതിലും കാര്യം ഉണ്ടല്ലോ..ഇവന്റെ ഗതി ഇതായാല്‍ പിന്നെ എന്റെ ഗതി എന്താകും? ശരി വാടാ..നമുക്ക് ഒരു കൈ നോക്കാം..
ദേ നോക്കടാ എങ്ങനെ ഉണ്ട്? കൊള്ളാം അല്ലേ? എനിക്ക് ഇഷ്ടമായി....നിനക്കോ?..
ഇവന്മാര്‍ എന്താ ഇവിടെ ചെയുന്നതു എന്നു അറിയണ്ടേ? ഈനാമ്പീച്ചിക്ക് മരപ്പട്ടികൂട്ട്...
RSS Feed (xml)
